Чипы бар жапсырма түріндегі RFID-таңбалар әлемде бұрыннан қолданылады. Өзге елдерде бұл құрылғы ақылы жолдағы төлем қабылдау бекетінен тоқтамай өтуге мүмкіндік береді. Ал біздің елде чипы бар көлік иелеріне артықшылық берілмейді. Олар да ел қатарлы шлагбаум алдында тұрады.
«QazAvtoJol ҰК» АҚ баспасөз қызметі хабарлағандай, қазір RFID-таңба Нұр-Сұлтан — Щучинск, Нұр-Сұлтан — Теміртау және Алматы — Қапшағай тас жолдарындағы төлем қабылдайтын орындарда беріледі. Жуық арада Алматы — Қорғас тас жолында орнату жоспарланып отыр. Таңбаны жеке шотқа бекіту бес минут уақыт алады және ол үшін жеке куәлік пен техникалық құжат керек. Процедура ақысыз жасалады.
Болашақта чип көмегімен жаңа жолдардың да ақысын төлеуге болады. Айта кетерлігі, 2021 қолданысқа берілетін жолдарда шлагбаум болмайды.
Таңбасы бар көлік шотын толтыру бұрынғыдай жүзеге асады. Жол ақысын kolesa.kz қосымшасы арқылы екі есе арзан төлеуге болады.
Комментариев: 0