Rezvani Beast — мың ат күшіне ие брондалған Corvette

Көлікті жетілдіруге келгенде өзгеше көзқарасымен танымал Rezvani ательесі Beast суперкарының екінші буынын таныстырды. Ariel Atom негіз болған алдыңғы буыннан айырмашылығы, моторы ортада орналасқан Corvette Stingray базасында жасалған. Түпнұсқаға тән ауатартқыш пішіні сияқты ерекшелігі де жасырын тұрған жоқ.

1 / 11

• 
• 
• 
• 
• 
• 
• 
• 
• 
• 
• 

1 / 11

Алдыңғы және артқы бірегей жарық техникасы бар Corvette-тің жаңа шанағы карбоннан жасалды, есіктері көбелек қанаты тәрізді ашылады. Компания шеберлері салонды былғарымен қаптап, стандарт рөлдің үстіңгі жағын кесіп, одан штурвал жасады.

Beast екі турбокомпрессормен жабдықталған, 1014 ат күші бар (1194 Нм) 6.2 литрлік V8 моторымен жүреді. Агрегат түрленген 8 сатылы автоматпен жұмыс істейді. Тюнерлер автомобиль Michelin Pilot Sport Cup 2 R шинасымен алғашқы жүздікті 3 секундтан аз уақытта (60 мильді 2.5 секундта) еңсереді және драг-стриптің 402 метрін 9.6 секундта жүріп өтеді дейді.

Rezvani автомобильдің тек дизайны және қуатымен шектеліп қалмай, Beast үшін 007 пакетін жасады. Оған дабыл белгісі, электр тогы соғатын есік тұтқалары, түтін шашқыш, медициналық қобдиша, run-flat шиналары, газқағар, жылу тексеретін құрал мен бұрыш қосылған газ шашқыш, электромагнитті импульстерден қорғаныс және т.б. кіреді. Бұл жиынтық 45 мың доллар тұрады. Мұны жеткіліксіз деп санайтындар оқ өткізбейтін шанақ панельдері мен шыны үшін 55 мың доллар береді. Бірақ компания қорғаныс деңгейі туралы ешнәрсе айтпады.

Небәрі 20 данасы шығатын Beast-тің бастапқы құны – 485 мың доллар.