Ресми: Lada Vesta Тольяттиде шығады

«Лада Ижевск» зауыты ұжымының Владимир Путинге ашық хат жазуына себеп болған Lada Vesta-ның Ижевскіден Тольяттиге көшетіні туралы ақпарат расталды. Бұл туралы 4 тамызда АВТОВАЗ президенті Максим Соколов Удмуртия басшысы Александр Бречаловпен кездесуде хабарлады.

2023 жылы көктемнен бастап Lada Vesta Тольяттидегі B0 желісіне қосылады, онда бұрын Renault Logan мен Sandero және Lada Largus пен XRAY шығатын. Бірақ зауыт топтамасында қазір «Ларгус» қана қалды. Ал Ижевскіде «Вестаға» арналған компонент өндірісі жалғасады.

АВТОВАЗА-дың Ижевскіде e-Largus деп аталатын Lada Largus-тың электрлі түрленімін құрастыратыны туралы ақпарат та расталды. Модельдің техникалық сипаттамасы туралы толық мәлімет жоқ, бірақ жүріс қоры нұсқасына байланысты 250-ден 400 шақырымға дейін болатыны белгілі. Алғашқы прототип 2023 жылы шығады деп жоспарланып отыр.