Швейцариялық Smart-қа ұқсайтын кіп-кішкентай (1 600×3 030×1 760 мм) екі орындық машина Тольяттидегі зауытта құрастырылады. Дербес реттегіштері бар электрлі асинхронды мотор-дөңгелектерді қоса алғанда, көліктің шанағы мен салондағы бөліктері ресейлік өндіріске тиесілі, ал батареясы Қытайда жасалған. Артқы жетекке ие әр дөңгелек 20 аттың күшін береді (болашақта толық жетекті нұсқасы шығуы мүмкін), жүріс қоры кемі 200 шақырымға жетеді (кейбір дереккөздерде 120 км деп көрсетілген).
Жабдықтар тізімінде салқындатқыш, жылытқыш, кілтсіз ашу жүйесі, тұманға қарсы шамдар, құйма дискілер мен алдыңғы әйнекті сүрткіш бар. Басқа мәліметтер кейінірек белгілі болады. Zetta-ның өндірісі 2020 жылдың наурызында басталуы тиіс, жаңа үлгінің бағасы 450 мың рубльден (2.6 млн теңгеден сәл асады) басталады. Жыл сайын шамамен 15 мың Zetta шығарылады деп жоспарланған, бірақ биыл тек екі мың көлік құрастырылады.
Комментариев: 0