Владивостоктағы «Соллерс» кәсіпорнының аумағында тұрған бірнеше Omoda C5-тің (Қытайда Chery Omoda атауымен танымал) суретін «Китайские автомобили» басылымы жариялап, олар құрастыру цехының қасында тұрғанын жазды. Басылым Ресей нарығынан кеткен Mazda-ның орнын Chery басты деп топшылаған.
«Соллерс» әзірше ресми мәлімет берген жоқ. Дегенмен бұл болжам негізсіз емес. Жыл басталғалы Chery көрші елдегі құрастыру алаңдарына қызығып, Tiggo 8 өндіру мүмкіндігін қарастырды.
Ал жергілікті компания зауыт жаңа серіктесінің көліктерін шығаратынын ғана хабарлады. Бірақ бұл шаруа келер жылы жүзеге асады.
Айта кетерлігі, теңіз портына жақын орналасқан зауыт аумағын Chery көлік терминалы ретінде қолдануы да мүмкін.
Ресейдегі зауыт Omoda C5 құрастыра бастаса, Chery модельдерін ЕЭО елдеріне жеткізеді, демек Қазақстан жолдарына шығатыны анық. ЕЭО нарығына шығу үшін құжат алған Omoda C5 вариатормен жұмыс істейтін 1.5 литрлік (147 а. к.) мотормен жүреді. Бағасы 2.43 млн рубль, яғни 18.5 млн теңгеден басталады.
Комментариев: 0