Еуроодақ құрамына кіретін елдер Ресей мен Беларусьте тіркелген автомобильдің өз аумағына кіруіне тыйым салды. Бұл ақпаратты РФ Федералды кеден қызметі таратты.
Санкция салдарынан енді аталған екі елде есепте тұрған көлікпен қарт құрлыққа жүк тасымалдау да, транзит арқылы өту де мүмкін емес. Бірақ бұл шектеу бірқатар фармацевтика, ауылшаруашылық өнімдері мен азық-түлік тасымалдаушыларға, сонымен қатар гуманитарлық көмек жеткізетіндерге қатысты емес.
Айтпақшы, кеше Ресей билігі Бейжің олимпиадасында топ жарған спортшыларға премиум автомобиль орнына ақша беру туралы шешім қабылдады. Оның көлемі мемлекет жасайтын төлеммен бірдей, яғни жүлдегерлер алтын үшін 4 млн, күміс пен қола үшін 2.5 млн және 1.7 млн рубль алады.
Комментариев: 0