Росстандарт Қытайдың DongFeng, Foton, FAW және Sitrak маркалы жүк техникасына қатысты Кеден одағының техникалық регламентіндегі қорғану жөніндегі ескертпені қолданатынын хабарлады.
Бұл сертификат күшін жойып, Ресейдегі бірнеше модельдің саудасы тоқтады деген сөз. Тізімге DongFeng DFH4180, Foton BJ4189 және M4L, FAW CA4250, CA4180, Sitrak ZZHS, DongFeng DFH5200B, Foton H5 және FAW JH6-B 8×4 кірді. Шектеу басқа ЕЭО елдерінде сәйкестікті бағалау құжатын алған модельдерді де қамтиды.
Мұндай қатаң шараға Техникалық регламенттің міндетті талаптарының орындалмауы себеп болған. Атап айтқанда, шу деңгейі, тежеуіш жүйесінің тиімділігі, басқару элементтері нормаға сәйкес келмепті, жедел қызметті шақыру құрылғысы дұрыс орнатылмаған, басқа да ережелер бұзылған.
Росстандарт бұл модельдер үшін сервистік кампания өткізу керек деп санайды және тыйымды елемеген дилерлер әкімшілік жауапқа тартылатынын ескертті.
Комментариев: 0