Avtograd news парақшасы бұрынғы АВТОВАЗ алаңына жаңа Lada Vesta-лар жеткізіліп жатқанын хабарлады. Бірақ бұрынғыдай машинаны қайта жабдықтау үшін емес (бұл мәселе шешілген), марка дистрибьюторы мен дилерлерінің қоймасы толып қалғандықтан жеткізіп жатыр, өйткені модельге сұраныс төмен.
Қазір Ресей нарығында бағасы 1.46 млн рубль тұратын «Вестаға» қарағанда тиімді көліктер көп, мысалы, Haval, Geely және Chery маркасының өнімдерін атауға болады. «Автостат» хабарлағандай, қаңтарда 2 млн рубль тұратын Haval Jolion-ның 4344 данасы өтіп, Vesta-ға (5382 дана) жақындады. Ал Geely Monjaro (3649 дана) Niva Legend (3331) пен Niva Travel-ге (3222) қарағанда көп өтті. Бірақ АВТОВАЗ ардагерлері былтырғы сауда мөлшерін сақтап қалды, тіпті аздап өсті.
АВТОВАЗ өнімдері арасында рестайлингтен өткен «Гранта» ғана жақсы сатылып жатыр, қаңтарда оның 10 221-і иесін тапты. Оған себеп бағасы 800 мың рубль тұратын модельге арзан сегментте бәсекелес жоқ. Бірақ оның да жағдайы аса мәз емес, 2023 жылы Ресей нарығында Lada Granta үлесі 26 % болса, қазір 12.7 %-ға түсіп қалды.
Сондықтан қазіргі қиын кезеңде автоөндіруші мынадай екі сценарий бойынша жұмыс істеуі мүмкін: шығынға қарамай Lada Vesta бағасын түсіру немесе Қытай автоөндірісіне шектеу қою жөнінде үкіметтен көмек сұрау.
Комментариев: 0