Ресейде машинаның жүрген жолын бұрмалап көрсететін азаматтарды қатаң жазалау туралы ұсыныс айтылды. Бұл ұсынысты «Ресей автокөлік дилерлері» ассоциациясының вице-президенті Алексей Подщеколдин ұйым басшысы қызметіне үміткерлер қатысқан пікірсайыс кезінде айтты.
Оның айтуынша елдегі ескі көлік нарығында сатушылардың көбі одометр көрсеткішін өзгертеді, бірақ оларды ешкім жазаламайды. Подщеколдин жеке тұлғаға 300 мың рубль (1.8 млн теңге), ал машинаның жүрген жолын өзгертіп беретін компанияға 1 млн рубль (6 млн теңге) айыппұл салуды ұсынды.
«Ресей автокөлік дилерлері» ассоциациясы мұны алғаш рет сөз етіп отырған жоқ. 2020 жылы ұйым басшысы Олег Моисеев осындай ұсыныс жасаған.
Қазақстанда да көліктің жүрген жолын өзгерткен тұрғындар жазаланбайды. АҚШ, Оңтүстік Корея, Ұлыбритания сияқты көптеген елде одометрді кері бұрағандар көп мөлшерде айыппұл арқалайды.
Комментариев: 0