Ресейде Aurus алатындар аз

Aurus отанында үшінші жыл сатылып жатқанын ескерсек, бұл нашар нәтиже. Autonews «Автостат» агенттігіне сілтеме жасап, елде 2023 жылдың І тоқсанында небәрі 9 автомобиль сатылды деп хабарлады. Басылым мәліметті көлік құралдарының электронды паспорты жүйесінен алған.

Көрші елде премиум сегментті қоса алғанда, автоөндіріс саласының жағдайы онша жақсы емес екенін білеміз. Десе де Rolls-Royce қаңтар мен ақпан арасында — 13, Bentley 16 машина сатыпты. Арзан деуге келмейтін «аурустың» саудасы былтырғы деңгейде қалды, 2022 жылы марканың небәрі 31 көлігі өткен.

Aurus Senat-қа өз елінде қалталы азаматтар мен мемлекеттік мекемелер қызыға қоймады. Таяуда сатыла бастайтын Komendant моделі жағдайды өзгертуі мүмкін. Оны уақыт көрсетеді.