2030 жылға қарай Ресейдің ірі қалаларында жеке көлік азаяды. Бұл туралы «Автонет» ұлттық технология бастамасының нарық сарапшысы, «Технологии доверия» компаниясының кеңес беру бөлімінің директоры Виктория Синичкина (суретте) ТАСС агенттігіне берген сұхбатында айтты.
«Қаланың цифрлы мобильділік нарығы тез дамып жатыр: каршеринг, кикшеринг және қоғамдық көліктің танымалдығы артып келеді. Оның үстіне бұл нарық кеңейе береді, ал ол дамыған сайын жеке автомобильге қажеттілік азаяды. 2030 жылға қарай жеке көлік қатардан қалады», — деді Синичкина. Маманның айтуынша «бір каршеринг көлігі 25 жеке машинаның орнын басады».
Нәтижесінде энергия айтарлықтай үнемделіп (көлік аз болса, бензин де аз жұмсалады), мегаполистерде автотұрақ тапшылығы өздігінен шешіледі және жолдар кеңейеді.
Ал өз еркімен машинасын тастағысы келмеген көлік иелеріне мемлекет тарапынан кедергі көбейеді. Мысалы, билік жаңа салық, түрлі шектеулер, айыппұл мөлшерін арттыру секілді тиімсіз шаралар енгізеді.
Комментариев: 0