Renault өз брендімен шығатын жаңа Duster-дің алғашқы суретін жариялады, мұндай кроссовер Еуроодақтан тыс жерде сатылады. 2024 жылдың ортасында Түркияда «Дастер» құрастыру басталады. Renault Еуропадан өзге елдерге жеткізетін автомобильдің көбін Түркияда құрастырады.
Renault Еуропадағы топтамасын электрлі жетекке ауыстырып, ЕО-да дәстүрлі мотормен жүретін машина сатпауды жоспарлап отыр. Негізгі өндіріс орны Түркиядағы Oyak Renault зауыты, оны жаңартуға компания 400 млн еуро қаржы құяды.
Марка Түркияда төрт жаңа өнім шығарады, оның үшеуі өлшемі әртүрлі жол талғамайтын көлік болады. Алғаш болып конвейерге Renault Duster тұрады. Ол Dacia Bigster концептісінің сериялы нұсқасы болуы мүмкін. Бірақ Renault қазір дайындап жатқан модульдік платформаға негізделген жаңа өнім шығарады деген де болжам бар. Бұл архитектураға негізделген алғашқы модель – Оңтүстік Америка нарығына арналған Kardian.
Renaul Kardian
Renault жаңа өнімді Түркиядан әлемнің 50 еліне сатады. Түркияда шыққан кроссовердің гибрид нұсқасы болады, бірақ Renault логотипімен шыққан Duster-дің Еуропаға арналған Dacia түрленімінен қандай айырмасы болатыны белгісіз. Еуропада кроссовер 140 ат күшіне ие бензоэлектрлі күштік құрылыммен, 130 ат күшін беретін турбомотормен және 100 күшке ие биоотынды агрегатпен жүреді.
Комментариев: 0