Еуропа автонарығы шетелдік брендтердің жолын бөгейтін салықпен ғана емес, бәсекеге қабілетті жаңа модельдер шығару арқылы да аяққа нық тұрмақшы. Сол себепті Renault Twingo-ның төртінші буыны ретродизайнды электромобильге (бұл әзірге бір нұсқасы) айналады. Қандай болатыны концептіде көрсетілген.
Renault Group-тың жаңадан құрылған электромобиль құрастыру бөлімінің инженерлері жасаған жаңа Twingo 1992 жылғы алғашқы буын өкілін еске салады. Оны алдыңғы фаралары мен пішінінен тануға болады. Энергетикалық тиімділік жағынан француздар өз класында Ioniq 6-дан екі есе жоғары (100 км-ге 10 кВт сағ.) үздік көрсеткіш көрсететін түрі бар.
Twingo-ның сипаттамасы әлі белгісіз, тек келесі жылы жарыққа шығатын электрохэтч Renault 5 және батареялы SUV Renault 4 субкомпакт негізіндегі модульдік AmpR Small құрылымын пайдаланатыны белгілі.
Өткенді еске түсіретін шанағынан бөлек Renault Twingo-ның артықшылығы — 20 мың еуро шамасындағы тиімді бағасында (Renault 5-тің бағасы 25 мың еуродан басталады). 2026 жылы саудаға шығатын модель VW ID.1, Citroen e-C3 және Fiat Panda электромобильдерінен басқа Қытайдың бірнеше моделімен бәсекелеседі.
Комментариев: 0