Сәрсенбі, 23 қаңтар күні кешқұрым уақытта Карлос Гон Renault корпорациясының директорлар кеңесіне өзін президент-бас директор лауазымынан босатуды өтінген. Бейсенбі күні компания жиналыс өткізіп, Гонның өтінішін қанағаттандырған. Басшының компаниядан кетуін Францияның экономика және қаржы министрі Брюно Ле Мэр де мақұлдапты.
Гон орнын босатысымен, Renault компаниясының директорлар кеңесі президент пен бас директор қызметін бөлу туралы шешімге келіп, президент лауазымына бұрында Michelin компаниясын басқарған Жан-Доминик Сенарды тағайындаған. Ал бас директор қызметін Гонның орынбасары болған Тьерри Боллоре атқарады.
Комментариев: 0