Renault ескі Duster-ді жаңартты

Компания Duster-дің жаңа нұсқасын Бразилияда көрсетті. Кроссовердің сырт пішіні мен салоны сәл өзгерді, комплектациялары жақсарды. Мұның бәрі Kardian кроссовері шықпай тұрып модельге деген қызуғышылықты арттыруы керек.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Бразилиядағы Renault зауытына салмақ түсірмеу үшін модельдің келбеті қатты өзгермеді. Бренд радиатор торын жаңартып, Y пішінді диодты оптика қойды. Артқы шам сызбасы түрленді.

Салондағы басты өзгеріс — аспаптар панелінің жақсарған графикасы. «Дастерде» үлкен шынтақ тіреуіш, артқы жолаушылар қолданатын USB-резетке пайда болды. Сымсыз қуаттау жүйесі тек үздік комплектацияда бар.

1 / 9

• 
• 
• 
• 
• 
• 
• 
• 
• 

1 / 9

Рестайлингтен өткен базалық кроссовер алты қауіпсіздік жастығымен, нұсқасына байланысты жүргізуші ассистентімен, айнала шолу камерасымен, алысқа түсетін автоматты жарықпен, 17 дюймдік дискімен жабдықталады.

Үздік нұсқасында қосымша декор және 170 ат күшін беретін 1.3 литрлік турбомотор болады. Renault жергілікті нарыққа арналған басқа да модификацияларға 5 сатылы механика немесе CVT қорабымен жұптасқан 118 ат күші бар 1.6 литрлік атмосфералы мотор орнатады. Толық жетек мүлдем болмайды.

Жаңа Renault Duster-дің Бразилиядағы құны 122 290 реалдан (шамамен 11.3 млн теңге) басталады. Кроссовердің Еуропадағы бағасы да белгілі болды. Францияда базалық және 1 литрлік турбомоторы бар орташа жабдықталған Dacia Duster 19 690 еуро (9.7 млн теңге) тұрады.