Renault-ның бюджеттік көліктерінің қатары тағы бір үлгімен толықты. Сөз болып отырған микровэн Үндістан нарығына арналған. Triber деп аталатын көлік Kwid кроссоверінің негізінде жасалған. Оның ең басты ерекшелігі — 7 орындық салон мен көлемінің кішілігінде. Triber-дің бамперден бамперге дейінгі ұзындығы 3 990 мм-ді құрайды.
Шағын көлікті Үндістан нарығына тек бір мотормен, нақтырақ айтсақ, 72 аттың күшіне ие үш цилиндрлі агрегатпен шығару жоспарланып отыр. Ол 5 сатылы механикамен жұптаса жұмыс істейді. Үстеме ақы төлеп автоматқа тапсырыс беруге мүмкіндік бар. 2020 жылы қозғалтқыштар қатары бір литрлік турбомотормен толығады.
Triber сатылымға жаздың аяғына дейін шығады. Үлгі тек Үндістан нарығы үшін ғана қолжетімді бола ма немесе экспортқа шығарыла ма, ол жағы әзірше белгісіз.
Комментариев: 0