Сериялы Renault Arkana-ны әлі ешкім көре қойған жоқ, алайда купе-кроссовер атын ауыстырып үлгеріпті. Бірақ тек кореялық нарықта ғана. Сеулдегі автосалонда үлгінің концептуалды нұсқасы көпшілікке Samsung XM3 Inspire атауымен таныстырылды.
ЕЭО нарығына арналған «Аркана» мен кореялық «Самсунг» арасында бәлендей айырмашылық жоқ. Жол талғамайтын көліктің тек алдыңғы жағы сәл түзелген және белгішесі ауысыпты. Соның өзінде радиатор торы бұрынғы қалпын сақтап қалған. Одан Renault логотипін көруге болады.
Ал техникалық жағынан үлгінің кореялық нұсқасы мүлде өзгеше болмақ, себебі кроссовер «Дастер» емес, CMF платформасында жасалады.
Комментариев: 0