В Казахстане стартовали продажи Renault Arkana

Renault Arkana Қазақстанда сатылымға шықты

1 қыркүйектен сатылымға шыққан жол талғамайтын көліктердің бағасы 6.7 млн теңгеден басталады.

Көктемнің аяғында Renault купе іспетті Arkana кроссоверін ресми таныстырған болатын. Үш ай өтісімен көлік Қазақстанға келіп жетті.

«Аркананың» 114 ат күшіне ие 1.6 литрлік агрегаты, механикалық қорабы мен алдыңғы жетегі бар анағұрлым қолжетімді нұсқасын (Life) 6.7 млн теңгеге алуға болады. Вариаторға қосымша 330 мың төлеу қажет. Кіші мотор үшін толық жетек те қолжетімді, бірақ ол үшін 7.7 млн теңгені санап бересіз.

Ал егер 114 арғымақтың күші аздық етсе, онда Renault 150 ат күшін беретін 1.3 литрлік бензинді турбомотор ұсынуға дайын. Ол тек вариатормен жұптаса жұмыс істейді. Алдыңғы жетекті кроссовердің (Drive) құны 8.2 млн теңгеден, ал толық жетекті көліктің бағасы 9.2 млн теңгеден басталады.

Анағұрлым қымбат нұсқасы лимитті Edition One болып табылады. Толық жетекті паркетниктің бағасы 9.8 млн теңгені құрайды.

Комментариев: 0

Чтобы оставить комментарий, вам необходимо зарегистрироваться или авторизоваться.