Renault Arkana-ның ресми таныстырылымынан кейін француздық марка үш жүз кроссоверді онлайн сатуға шығарды. Тәжірибе ретінде клиенттерге ақысын 100% төлеп, тапсырыс беру ұсынылды, ал көлік үйге дейін жеткізілуі тиіс еді.
Ресейлік БАҚ берген ақпаратқа сүйенсек, бұл идея сәтті болмаған сыңайлы. Аталған жолмен небәрі екі темір тұлпар иесін тауыпты. Arkana Edition One-ның қалған 298 данасын клиенттер салонға келіп көргеннен кейін, компания сайты арқылы алдын ала аз ғана төлем жасап брондау арқылы алған.
Жалпы Ресейде Renault Arkana жақсы сатылуда. Ал біздің елге аталған үлгі тек қыркүйектің басында жеткізілді, десе де ресми таныстырылым сәтінде дилерлер 20 көлікті сатып үлгерген.
Комментариев: 0