Мәскеуде Renault Arkana-ны көпке таныстыру шарасымен қатар, паркетниктің ең қымбат нұсқаларының да бағасы белгілі болып, Edition One жиынтығындағы көліктер 1.4 және 1.5 млн рубльге бағаланған. Ал енді француздық компания «Аркана» үлгісінің барлық нұсқаларының да құнын жариялады.
116 аттың күшіне ие 1.6 литрлік атмосфералы мотор мен механикалық қорабы бар ең қолжетімді нұсқасы 999 мың рубль (6 млн теңге) тұрады. Вариатор үшін төленетін үстеме ақы 50 мыңнан (300 мың теңгеге жуық) сәл асады.
Толық жетекті көліктердің бағасы 1 169 990 рубльден (7 млн теңге) басталады. Бұл нұсқадағы үлгілер 1.6 литрлік мотор мен 6 сатылы механикалық қорапқа ие. Ал вариатормен жұптаса жұмыс істейтін атмосфералы моторды Renault тіпті ұсынбайды. Ескі сатысыз қорап толық жетекті жүйемен бірге жұмыс істеуге қауқарсыз.
Arkana гаммасындағы екінші қозғалтқыш 150 арғымақтың күшіне ие (250 Нм) 1.3 литрлік H5H турбомоторы. Мұндай кроссовер тек вариатормен ұсынылады. Алдыңғы жетекті түрленімдерінің бағасы 1 229 990 (7.3 млн теңге) рубльден, ал толық жетектілерінің құны 1 419 990 рубльден (8.5 млн теңге) басталады.
«Аркананың» Қазақстан нарығында қандай бағада сатылатыны ресми хабарланған жоқ.
Комментариев: 0