Renault Arkana-ның үздік нұсқасының техникалық жағы мәлім болысымен, реестрде Көлік құралының типін мақұлдау (КҚТМ) құжаты пайда болды. Бірақ мұнда бір өзгешелік бар. Біріншіден, Arkana КҚТМ-ға қосылған, бір платформадағы көліктер тізімінде жоқ. Әңгіме Logan, Sandero, Duster және Kaptur жайында. Яғни, «Аркананың» қаңқасы ерекше.
Екіншіден, 1.3 литрлі турбомотор қозғалтқыштар гаммасында жалғыз агрегат болмайды. Оған 114 аттың күшін беретін 1.6 литрлік H4M атмосфералық қозғалтқышы қосылады. Бұл моторға механикамен де, бұрынғы вариатормен де тапсырыс беруге болады. Үлгінің алдыңғы және толық жетекті нұсқалары қолжетімді. Осы орайда CVT үшін толық жетекті нұсқаның жоқтығын айта кеткен жөн.
Үшіншіден, сәл көңіл түсіретін бір жайт бар. Концептімен салыстырғанда, Arkana артқы дискілік тежегіштерді иелене алмайды. Яғни купе іспетті кроссоверге барабандар орнатылады.
Ал төртінші ерекшелік — өндірілетін орнында. КҚТМ құжатында бәрі білетін Мәскеудегі Renault зауытынан бөлек, Тольяттидегі АВТОВАЗ да көрсетілген. Кроссоверді волгалық зауытта құрастыру туралы жоспардың барын ресми түрде ешкім хабарламаған еді.
Комментариев: 0