Қайғылы жағдай Қызылордадан 130 шақырым қашықтықтағы Қармақшы ауданына қарасты Ақжар ауылына жақын маңда, Самара — Шымкент тас жолында болған.16 қараша күні сағат 19:15 шамасында Setra маркалы жолаушы тасымалдайтын екі автобус бетпе-бет соқтығысыпты. Апаттан үш адам қаза тапқан, ішінде бала да бар.
«Қазалы — Қызылорда және Қызылорда — Қармақшы бағытымен қозғалған екі автобуста 86 жолаушы болған.Түрлі дәрежеде жарақат алған 43 адам Қармақшы ауданының орталық ауруханасына, алтауы — Жалағаш аудандық ауруханасына, бесеуі — облыстық медицина орталығына жеткізілді, ал қалған 30 жолаушыға алғашқы медициналық көмек көрсетіліп, амбулаторлық ем тағайындалды. Зардап шеккен үш азамат ауруханаға санитарлық авиация мамандарының көмегімен жеткізілді», — деп мәлімдеді ҚР ІІМ ТЖК баспасөз қызметі.
Жол апаты орын алған жерге жедел жәрдем қызметінің 12 бригадасы, құрамында 16 дәрігер бар 130 медицина қызметкері, 34 тәртіп сақшысы, 13 құтқару техникасы мен ТЖК-нің 34 маманы жұмылдырылған. Қазіргі таңда апаттан зардап шеккен бес адам жан сақтау бөлімінде жатыр екен. Азаматтардың барлығының жағдайы бірқалыпты.
Алдын ала берілген деректер бойынша, жол-көлік оқиғасы Қызылордаға бағыт алған автобустардың бірінің жолдың қарам-қарсы бетіне шығып кетуі салдарынан болған көрінеді. Оқиғаға қатысты терге шаралары жүргізілуде.
View this post on Instagram
Комментариев: 0