Recaro логотипін ұшақ, пойыз, кеңсе және көліктегі орындықтардан көруге болады. Автомобильмен байланысты бизнесі қиындыққа тап болған көрінеді. Сот құжатына сілтеме жасаған неміс басылымдарының мәліметі бойынша Recaro Automotive компаниясы өзін банкрот деп жариялау жөнінде арыз түсірген.
Бұл 215 қызметкер мен IG Metall ірі кәсіподағы үшін күтпеген жаңалық болды. Recaro Automotive-тің алдағы тағдыры белгісіз. Компания жаңа иесін іздейтіні анық. Қазір бренд 2020 жылы сатып алған жеке инвестициялық қорға тиесілі.
Recaro орындықтарын опция ретінде ұсынатын автоөндірушілер де таңғалыпты. Carscoops басылымы орындықтарға тез арада балама табу қиын болады және спорттық орындықтар біраз уақыт каталогта болмауы мүмкін деген болжам жасады.
Recaro тарихы 1906 жылы Вильгельм Ройтер негізін қалаған Reutter, Wilhelm, Sattler. Spezialität:
Бірнеше жыл өткеннен кейін компания атауы Stuttgarter Karosseriewerk Reutter & Co деп қысқарды және Daimler-Benz, Horch, Volkswagen, Porsche, BMW сияқты компаниялармен әріптес болды. 1963 жылы шанақ бизнесін Porsche сатып алды, ал орындық өндірісі Recaro деген атау алып, жеке компания ретінде бөлінді.
Содан бері Recaro орындықтарын STi және EVO-дан бастап BMW M, Porsche спорткары, Mustang және Camaro секілді қуатты маслкарларға дейінгі көліктерден кездестіруге болатын. Recaro бас тірегііштегі динамиктер, композитті каркас, қауіпсіздік жастығы бар тюнингтен өткен кресло сияқты біршама инновация енгізіп үлгерді.
P. S. Recaro орындығы бар автомобиліңіз болып па еді?
Комментариев: 0