Range Rover Velar электрлі болады

Жақында жаңарған Range Rover Velar аса көп сатылмағанымен, Jaguar модельдері арасында танымалдығы төмен емес. Демек бұл машинаны толық есептен шығарып тастауға әлі ерте.

Британиялық Autocar басылымы Range Rover Velar-дың екінші буыны электрлі болатынын хабарлады, соған сай машина EMA модульдік платформасына көшеді. Velar EV өндірісі 2025 жылға дейін басталады. Басты бәсекелесі батареялы Porsche Macan болады.

Evoque мен Discovery Sport-тың келесі буыны да электромобиль атанады, бірақ JLR барлық моделін электр жетекке ауыстырмайды, электрокарлармен қатар гибрид және дәстүрлі мотормен жүретін машиналарды жалғасты шығарады. Өйткені марканың қымбат модельдері жақын арада электромобильге ауыса алмайтын елдерде жақсы өтіп жатыр.