Ram кішкентай пикабын Rampage деп атады

Ram жаңа модельмен толығады, алайда жаңа машина V8 моторымен жүретін рамалы пикап емес, Ford Maverick және Hyundai Santa Cruz-ға бәсекелес шағын көлік болады. Модель АҚШ нарығына арналмаған, бұл жолы темір тұлпардың рахатын Оңтүстік Америка жүргізушілері көреді.

1 / 5

• 
• 
• 
• 
• 

1 / 5

Ram-ның шағын жүк көлігін шығару туралы жоспары әлдеқашан белгілі болған. Компания тіпті машинаның интерьері бейнеленген суреттерді көрсетті, онда цифрлы аспаптар панелі, медиажүйенің ірі планшеті мен автомат кораптың жүріс режимін таңдайтын шайба көзге түседі. Модельдің сырт пішінін және атауын компания алғаш рет жариялады.

1 / 6

• 
• 
• 
• 
• 
• 

1 / 6

Пикап Rampage деп аталады. Бұл 2006 жылғы концепті мен 1982-1984 жылдары шыққан сериялы Dodge моделін еске салады. Автомобиль марканың өзіне тән стильде жасалған, 1500 моделімен көптеген ұқсастығы бар. Rampage-дің есте қалатын деталі — артқы шамда бейнеленген Американың туын еске түсіретін сурет. Көлік Оңтүстік Америкаға арналғанын ескерсек, бұл біртүрлі жайт секілді.

Машинаның техникалық сипаттамасы туралы мәлімет аз. Капот астына 2 литрлік Hurricane 4 турбомоторын орнатады деген болжам бар. «Джиптің» агрегаты 274 ат күші мен 400 Нм береді, бірақ Rampage-де мотор қуаты өзгеруі мүмкін.

Пикаптың ресми тұсаукесері 2023 жылдың аяғында өтеді.