Өткен демалыста Хорватияда ралли чемпионатының (WRC) алғашқы кезеңі басталды. Бірақ жарыстың соңғы күні арнайы бөліктен өтіп бара жатқан Себастьен Ожье апатқа ұшырады.
Әлеуметтік желіде тараған видеодан Toyota Yaris-тің ортаңғы жолақтан сол жақ шетке кілт бұрылып, BMW-ның жолын кескені байқалады. Абырой болғанда, адамдар аман.
Video of Ogier’s incident on the road section before SS17. #WRC #CroatiaRallypic.twitter.com/LbWrgJLzRD
— Rallysupport (@RallysupportNL) April 25, 2021
Желіде Toyota-ны тізгіндеген чемпион полицейлерді күтпей, апат болған жерден кетіп қалды деген ақпарат тарады. Команда мүшелері Ожье мен полицейлер бір-бірінің тілін түсінбей, келеңсіздік болғанын айтты, жергілікті тәртіп сақшылары ағылшынша білмейді екен.
Toyota Gazoo Racing WRT-дің күтпеген маневр жасауына техникалық ақау себеп болды. Сондықтан экипаж аялдамаға тоқтап, көлікті тексеру жөнінде шешім қабылдаған.
Дегенмен FIA шабандозды жазалауды жөн көріп отыр. Оған апат орнынан кетіп қалғаны үшін 5000 еуро айыппұл салынды. Одан бөлек бұл қылығы үшін Ожье бір жарыстан шеттетілді. Егер алты ай ішінде әлемнің жеті дүркін чемпионы тағы бір қателік жіберсе, кейінгі кезеңге мүлде қатыса алмайды. Спортшы қызыл түске өтіп кеткені үшін де жазаланды, жол ережесін елемеген ол енді 2000 еуро төлейді.
Айта кетерлігі, жол апаты Себастьен Ожье командасының Хорватиядағы Раллиде жеңіске жетуіне кедергі болмады.
Комментариев: 0