Алматы шенеуніктері Райымбек даңғылындағы BRT құрылысын 2025 жылдың көктемінде бастаймыз деп уәде берді. Оған дейін жолшылар инженерлік желілерді ауыстырып, ось бөліп, «Саяхаттағы» үлкен аялдама кешендерінің құрылысын аяқтайды. Kolesa.kz редакциясы автобус жолағының алғашқы учаскесі қандай болатынын анықтады.
Қалалық әкімдіктің хабарлауынша мамандар сәуірде Райымбек даңғылының Пушкин мен Сейфуллин арасына белгі сызып, басқа қажет жұмыстарды бастайды.
Саяхаттағы жолайрық пен Назарбаев арасындағы бөлікте батыс бағытта аялдамалар оң жақта орналасады. Жобалаушылар автобус жолағын жүргін бөліктің сол жақ шетіне орналастыруды ұсынды. Автобус аялдамадан жолаққа қалай өтетіні белгісіз. Схемадан қарапайым көлік батысқа қарай тура жүргенде ортада бір ғана жолақ қалатыны көрініп тұр, сол және оң жақ жолақ бұрылуға арналған. Сүйінбай даңғылы мен Шығыс айналма жолдан келе жатқан көлік тар жерге сығылысады. Бұл бөлік онсыз да кептелістен арылмайды, ал мұндай өзгеріс жағдайды жақсартпайды.
Шығыс бағыттағы учаскені де осы күтіп тұр. Сол жақ жолақта BRT бойымен жүретін автобустар Қонаев қиылысында оң жаққа ауысады. Ал қарапайым көлік тоннельге түсу үшін солға өтуі керек. Қандай былық болатынын елестету қиын.
Назарбаевтан Желтоқсанға дейінгі бөлікте автобустардың арасын газон бөледі. Аялдама да сол жерде болуы мүмкін және жолаушылар оған жаяу жүргінші өткелі арқылы өтеді. Батысқа қарай Панфиловтағы кері бұрылыс болмайды, оны Абылай ханға жақынырақ жылжытады. Даңғылда шығысқа қарай жүретін көлікке арналған қосымша кері бұрылыс қосылады.
Желтоқсаннан Сейфуллинге дейінгі бөлікте BRT солдан оңға және кері ауысады. Автобус көлік көп кезде қалай ауысатыны белгісіз. Наурызбай батыр қиылысында батыс бағыттағы бірінші және екінші қатардың арасына аялдама салынады, оны барлық машина айналып өтеді, екі қатар түзу өтуге, ал екі қатар солға, тау жаққа бұрылуға қалады. Сейфуллин арқылы автобустар көпірді бойлай даңғылдың төменгі жағымен өтеді.
Наурызбай батыр және Чайковский қиылыстарында шығысқа қарай жүрген ыңғайсыз, себебі жолақ сол жақтан оңға ауысады. Бұл учаскедегі көлік ағынын ескерсек, BRT жобалаушылары жүргізушілерден жақсы сөз естімейтін сияқты.
Қорытындылай келе түйгеніміз, BRT құрылысы Райымбек даңғылындағы кептелісті азайтпайды. «Саяхат» маңы мен даңғыл кептелістен көз ашпайды. Автобус жылдамдығын арттыруға қатысты жоспар да түсініксіз. Райымбек даңғылынан бұрынғыдай солға бұрылуға мүмкіндік берілгенмен, қоғамдық көлік үнемі солдан оңға және кері қарай көлік ағыны арқылы өтуге мәжбүр болады. Бұл автобус жылдамдығын арттырады дегенге сену қиын, бірақ жүргізушілерге қиындық туғызатыны анық.
Комментариев: 0