Былтыр наурызда әкімдік Райымбек бойымен Саин көшесінен Яссауиге дейін арнайы жолақты уақытша қылған еді, 7:30-9:30 және17:00-20:00 аралығында (көлік кептелісі кезінде) бұл жолақпен автобустан басқа көлік жүрмейтін. Енді жолақпен жүру уақытын қайта қарастырады.
Қалалық мобилділік басқармасы 19 наурыздан бастап жүргізушілер Райымбек даңғылындағы қоғамдық көлікке арналған жолақпен жұмыс күндері 20:00-6:30 аралығында ғана жүре алатынын жеткізді. Ал демалыс пен мейрам күндері шектеу жоқ.
Құзырлы орган тиісті белгілер мен тақтайшалар орнатуды бастап кетті. Ертең жол ережесін бұзып, арнайы жолаққа өтіп кеткендерді тіркейтін камераларды да жаңа уақытқа ауыстырады.
Жол қызметкерлері жаңа схеманы қала ішіндегі көлік қозғалысын реттеп, арнайы жолақты кептеліс жоқ кезде және демалыс күндері пайдалану мәселесін шешу үшін уақытша қолданады. Шенеуіктер зерттеу нәтижесінде келер жылы қоғамдық көлікке арналған жолақпен басқа машиналардың қозғалуына рұқсат беру мәселесін шешеді.
Комментариев: 0