Құжат бойынша Қазақстанға жол тартқан машиналар Ресейде сатылған

Svenska Yle журналистері Ресейге қымбат көліктерді заңсыз жеткізудің бір бағытын анықтады. Финляндия халықаралық автомобиль контрабандасында ірі транзиттік ел болып шықты.

Зерттеу авторлары жеңіл көліктерді Германияда кемеге тиеп, Финляндияға жеткізіп, ол жақтан Ресейге жөнелтіп жатыр деген хабар алған соң BMW X3 пен Канададан жеткен Lexus RX350 тиелген жүк көлігінің ізіне түскен. Жүктің екі жүкқұжаты болғанын айта кетейік. Бірінде машиналарды — Қазақстанға, ал екіншісінде Ресейге апара жатыр деп жазылған.

Фин-Ресей шекарасына еш қиындықсыз кірген автотасығыш кедендік тазартудан өту үшін Санкт-Петербургке, содан соң Мәскеуге жетіп, Сібірден бір-ақ шықты. Арада бірнеше күн өткенде Lexus Томск қаласы Пушкин көшесіндегі автосалонға (бағасы 100 мың еуро) шықты. Ал BMW бірден өз иесін тауып, қала көшелерінде жүрген. Қазақстанға автомобильдер сол күйі жеткен жоқ, ондай жоспар да болмағанға ұқсайды.

Басылым Ресей арқылы Қазақстанға автомобиль жеткізу заңды деп жазды. Бірақ оларды Ресейде тастап кетуге тыйым салынған. Фин заң өкілдерінің транзиттік жүкке не болғанын сұрап білуге ешқандай мүмкіндігі жоқ.

Журналистер Финляндияның тасымал саласына қатысы бар адамдардан сұхбат алып, санкциядан кейін олардың қызметіне сұраныс артқанын анықтаған.