Hengtian L4600 деп аталатын машина 2016 жылы жарық көрді. Оның артқы бөлігі Toyota Land Cruiser 200-ден аумайды, ал алдыңғы жағы прадикке ұқсайды. Бұл көліктерді Қытай жолдарынан кездестіруге болады, бірақ жаппай шығарылып жатқан жоқ.
Біраз уақыт бұрын аспан асты елінен клон жылдың екінші жартысында сатылымға шығады, бағасы 400 000 юань (26.5 млн теңге) болады деген хабар жеткен еді.
Енді жол талғамайтын көліктің басына қара бұлт үйірілген сияқты. KK News хабарлағандай, модельді шығаратын Zhonghengtian Off-Road Vehicle Co. Ltd компаниясы лицензиясынан айырылуы мүмкін. Фирмаға мұндай ескерту келуіне себеп болған өндіріс көлемінің тым аз болуы. Ұзақ уақыт бойы зауыттан шыққан өнім саны 2000-ға жетпейді, бұл жергілікті Өнеркәсіп министрлігінің ережесіне қайшы.
Тығырықтан шығатын жалғыз жол — техниканы көптеп шығару. Бұл компанияның қолынан келе ме, жоқ па, ол жағы белгісіз.
Комментариев: 0