Қытайлық Lada желтоқсанда сатыла бастайды

АВТОВАЗ өңі өзгерген Lada атынан ұсынылатын қытайлық автомобильдің алғашқы моделі нарыққа қашан шығатынын айтты. Lada X-Cross 5 кроссовері Қазақстандық жүргізушілер арасында FAW Bestune T77 деген атаумен танымал. Компания өкілдері жаңа машина желтоқсанда Ресей салондарында сатыла бастайды деп мәлімдеді.

Сәуірде өткен дилерлік конференцияда алғаш рет Lada X-Cross 5-тің суреттері объективке ілінген. Маусым айының екінші жартысында атауы «Лада Санкт-Петербург» деп өзгерген бұрынғы Nissan зауытында автомобиль өндірісі басталды.

Өндірісті бастау мен көлікті нарыққа шығару арасында неге ұзақ үзіліс болғаны туралы АВТОВАЗ ешқандай мәлімдеме жасаған жоқ. «Русский автомобиль» телеграм-арнасының ақпаратына сәйкес АВТОВАЗ бен FAW Bestune T77 кімге тиесілі екенін келісе алмапты. Сол себепті автомобиль әлі саудаға шықпады-мыс.