Сергей Собяниннің «москвич» болашақта электрлі болады деген сөзі ертерек жүзеге асатын секілді. Ресейлік БАҚ Renault зауытын меншігіне алған Мәскеу билігі енді қытайлық көліктерді «Москвич» маркасымен шығару жайлы келіссөз жүргізіп жатқанын хабарлады.
Ықтимал серіктес ретінде FAW, BYD және JAC-тың аты аталды, әсіресе соңғысының мүмкіндігі мол. Қазірше нақты шешім қабылданған жоқ. «Известия» басылымының хабарлауынша «москвич» шығару үшін қытайлық платформалардың бірін тездетіп таңдау жоспарланып отыр. Егер келіссөз сәтсіз болса, КАМАЗ жаңа машина сериясын жасап шығарады.
2022 жылдың төртінші тоқсанынан кешіктірмей дәстүрлі моторы бар машина өндіру жоспарланып отыр, ал одан кейінгі меже — электромобиль шығару. Бұрынғы француз зауытында дәнекерлеу цехының бір бөлігі бөлшектеліп, Renault Duster кроссоверін шығаратын желі Тольяттиге ауыстырылады. Модельді енді АВТОВАЗ құрастырады әрі ол Lada маркасымен шығады.
Комментариев: 0