Биыл мамырдың аяғында желіде қытайлық БАҚ bZ5 деп атаған электрлі Toyota седанының суреті тараған. Енді Қытайдың сертификат базасында сатуға арналған нұсқасының суреті жарияланды. Журналистер сәл қателесіпті, жаңа өнім bZ3 деп аталады екен.
Электромобиль Toyota Corolla-дан сәл үлкен екені белгілі болды. Атап айтқанда, ұзындығы 95 мм, ені 55 мм, биіктігі 40 мм артық. Электромобильдің дөңгелек базасы (2880 мм) «Королладан» ғана емес, «Камриден» (2825 мм) де ұзын.
Машина жапон маркасының фирмалық e-TNGA платформасына негізделеді, бірақ күштік құрылымы Қытайда жасалған. Оны BYD өндіреді. Құжатта литий-темір-фосфатты батареяның сыйымдылығы жазылмапты. Қозғалтқыш жайлы айтсақ, bZ3-ке басында бір мотор қойылады әрі артқы жетекті болады. 184 және 245 ат күші бар екі түрленімі сертификат алды.
Жаңа bZ3-ті Қытайда FAW концерні шығарады. Электромобиль 2022 жылдың аяғына дейін компаниялардың бірлескен зауытында жасалады.
Комментариев: 0