Қытайдың ең қауіпсіз көлігі – қымбат электрокроссовер

Dongfeng концерніне кіретін Seres компаниясының Huawei-мен бірлесіп құрған Aito бренді үлкен M9 кроссовері Қытайдағы ең қауіпсіз автомобиль болғанын мәлімдеді. C-NCAP сынақ қорытындысы бойынша ол ең жоғары рейтинг (93.9 %) алды.

Сынақ өткізетін Қытай автомобиль технологиясы және зерттеу орталығы (CATARC) көлікті дилерден жасырын сатып алды, осылайша өндіруші сынақ нәтижесіне ешқандай әсер ете алмады. Зерттеуге Aito M9-дың электрлі күштік құрылымы (M9-дың гибрид нұсқада да шығады) бар базалық модификация қатысты . Қауіпсіздік тұрғысынан басты айырмашылығы — жүргізуші ассистенттерінің қарапайым бағдарламалық жасақтамасы.

Мамандар кроссовердің ересек жолаушыларды қорғауын 96.98 % деп бағалады. Белсенді қауіпсіздік жүйелерінің жұмысы рейтингте жоғарырақ болды — 97.79 %, ал M9-дың жаяу жүргіншілерді қорғау деңгейі ең төмен болды — 75.38 %. Жалпы нәтиже электрокарға бейресми титулға ие болуға мүмкіндік берді.

Паркетник алған жалпы рейтинг 2021 жылдан бері жасалған сынақтардың орташа нәтижесінен 11.2 % жоғары және бұрын рекорд орнатқан Li Auto L9 көрсеткішінен 2.6 % өскен.

Ұзындығы 5.2 метр болатын Aito M9-дың дөңгелек базасы 3.1 метр. Толық электрлі нұсқасы жалпы қуаты 530 ат күшін құрайтын моторлармен жабдықталған және қайта қуаттаусыз 630 шақырым жүре алады. Гибрид нұсқасы сәл әлсіз — 496 ат күшіне ие, бірақ бензин мотордың арқасында жүріс қоры 1362 шақырымға артқан. Қытайда автомобиль 469 800-569 800 юань (30.5-37 млн теңге) аралығында тұрады.