Америкада ұмыт қалған қоймалар жиі кездеседі, ал аспан асты елінен бұндай хабар сирек келеді. Бірақ бір қызық жағдай болып, Қытайдан бір емес үш Tesla Roadster табылды. Олар бірінші буын өкілдері, біреуін кезінде Илон Маск ғарышқа ұшырған.
Машиналарды контейнерге он жыл бұрын кіргізген, бірақ иесі алып кетпепті, әлі сол қалпы тұр. Жолда жүрмеген Very Orange, Very Orange Sport, Radiant Red Sport модельдерін айдауға бола ма, жоқ па белгісіз. Үшеуінің комплектациясы әртүрлі. Сарапшылар көліктің жұмысы туралы егжей-тегжейлі ақпаратты кейін береміз, бірақ аккумуляторын міндетті түрде ауыстырамыз деп отыр.
Қойма басшылары иесіз көліктерді сатады. Бағасы жоғары болмайды, себебі сатып алушы оның сақталған уақытына да ақша төлейді. Он жылға қанша сома шығады екен?
Сырт пішіні заман талабына сай болмаса да, Tesla Roadster сирек кездесетін әрі қымбат көлік. Кезінде жаңасы 110 мың доллар тұрған. 2008 жылдың ақпаны мен 2012 жылдың желтоқсаны аралығында зауыттан 2450 машина шықты.
Комментариев: 0