Forward Cars инстаграм парақшасында Қытайдағы жабық тұрақтардың бірінде тұрған Lada 4×4 Urban-ның суретін жариялады. Машинаға жергілікті нөмір тағылған.
Хромдалған молдинг, күңгірт шамдардан бөлек, көліктің бізге таныс ақпараттық тақтайшасы көз тартады. Онда «Азия Авто» деп жазылған. Бұл жол талғамайтын машинаның Өскеменде құрастырылғанын білдіреді.
Бұл Lada 4×4 «Азия Автоның» 2017 жылы көлік экспорттау бойынша тәжірибесінің бір бөлігі. Компания сол жылы аспан асты еліне 220 машина жіберді. Компания басшысы Ерік Сағымбаев салық құны қосылатындықтан, көрші елде Lada 4×4 қымбат сатылатынын айтқан еді. Яғни, біздің елде 2017 жылы «Нива» үшін 2.9-3.3 млн теңге сұралса, Қытайда ол 4.8-5.5 млн теңгеге бағаланды. Отандық компания 3 500 автокөлік сатуды жоспарлаған, бірақ қауіпсіздік және экологиялық талаптар қатаңдап, жоспар жүзеге аспай қалды. Сол себепті мың автокөлік қана шекара асты.
Жол талғамайтын көліктер екінші нарықта да кездеседі. Мысалы, 17.7 мың шақырым жол жүрген 2017 жылғы машина 10 мың юань, яғни 7 млн теңге тұрады.
Комментариев: 0