Шанхайдағы автосалонда Great Wall пикаптардың келесі буынын көпке таныстырды. Көліктің ресми латынша атауы жоқ әзірге, десе де қытайлықтар оны Pao не P-Series деп атайды екен. Пикаптың сырт пішіні Toyota Tundra мен заманауи Ford Ranger-дің қосындысын еске салады.
P сериясының бірнеше түрленімі мен утилитарлы жүк көліктерінен бастап барлық дифференциалдарды бұғаттау, шнокель, шығыр, тіпті көп тетікті артқы аспасы бар жол талғамайтын көліктерге дейінгі толыққанды гаммасы болады деп күтілуде. Автосалонда соңғы нұсқаның концептісі тұр.
Pao-ның ең мықты күштік құрылымы шамамен 240 аттың күшін береді. Ол 8 сатылы ZF автоматымен жұптаса жұмыс істейді. Бұрында пикаптарда автоматты қораптар болмаған еді. Өндіруші сәл кейінірек анағұрлым мықты моторлардың қойылатынын айтады. Бірақ сөздің дәл қандай мотор туралы болып отырғаны белгісіз.
Қытайлықтардың көлікке қатысты жоспары аса ауқымды. Елде жыл сайын темір тұлпардың 200 мың данасын құрастырмақ. Олар ішкі нарыққа да, сыртқа да шығарылады. Автокөліктің ЕЭО елдерінде сатылуы да ғажап емес. «Авторевю» порталы берген мәліметке сенсек, Great Wall Ресей нарығына оралуды жоспарлап жүрген көрінеді.
Комментариев: 0