Toyota және GAC бірлескен кәсіпорны жаңа Camry-дің Қытайдағы бағасын жариялады. Бірінші болып дәстүрлі моторы және гибрид нұсқасы бар 2 литрлі қозғалтқыш орнатылған көлік шығады. Базалық нұсқасы 173 800 юань (10.9 млн теңге) тұрады, ол Camry 70-тен 6 мың юань арзан.
Ең арзан Toyota Camry вариатормен үйлескен 173 ат күші бар 2 литрлі мотормен жабдықталады. Camry-дің гибрид нұсқасы да болады. Көлемі өзгермеген қозғалтқышы 152 ат күшін берсе, электрлі мотор арқасында күштік құрылымның толық қуаты 197 ат күшін құрап, 100 км-ге 4.2 литр отын жұмсайды.
Бензоэлектрлі Camry қымбатқа түседі. Седанның құны 181 800-208 800 юань (11.4-13 млн теңге) аралығында, ал қарапайым моторы бар үздік модификациясы 198 800 юань тұрады.
Автокөліктің жаңа буыны Camry-ге тән емес, бірақ Қытай нарығы үшін маңызды бірқатар опциямен жабдықталды. Медиажүйе 12.3 дюймдік дисплеймен және Snapdragon 8155 чипімен жұмыс істейді, иісті автоматты ауыстыру арқылы жолаушылардың көңіл-күйін көтеретін хош иіс шығаратын климат-бақылау орнатылған. Camry-дің жабдықтар тізімінде проекциялық дисплей, панорамалы шатыр, алдыңғы орындықтарды желдеткіш және смартфонды сымсыз қуаттағыш бар. Электронды көмекшілер қатарына бет-әлпетті тану жүйесі, жолақта ұстау және жол белгілерін бақылау және шұғыл тежеу ассистенті кіреді.
Қытайлық Toyota Camry-дің мотор гаммасына тағы бір 2.5 литрлі бензинді мотор негізіндегі гибрид күштік агрегат қосылады. Автомобиль кейінірек шығатындықтан сипаттамасы әлі айтылмады.
Көрші елде саудаға түсетін Camry XV80 бренд АҚШ-та таныстырған седаннан шанақ дизайнындағы кішігірім өзгерістер, салонның архитектурасы, бірегей мотор гаммасымен ерекшеленеді. Электрлі қондырмасы жоқ атмосфералы қозғалтқыш әзірге тек аспан асты елінде бар.
Комментариев: 0