Қытайда жаңа Mazda EZ-6 саудаға шықты

Компания Қытайда жаңа EZ-6-ны сата бастады және оны толық электрлі және гибрид нұсқада ұсынды. Бағасы 139 800-179 800 юань (9.5-12.2 млн теңге) аралығында. Бұл күткеннен төмен баға, себебі алдын ала тапсырыс қабылдаған кезде EZ-6 160 мың юаньға (шамамен 11 млн теңге) бағаланған.

1 / 5

• 
• 
• 
• 
• 

1 / 5

Өлшемдері — 4921×1890×1485 мм, дөңгелек базасы — 2895 мм. Осылайша жаңа модель Changan концернінің құрамындағы Deepal брендінің платформасында жасалса да, одан үлкенірек.

Электрлі көлік 258 ат күшіне ие бір мотормен және литий-темір-фосфатты екі батареямен жүреді. Сыйымдылығы 56.1 және 68.8 кВт⋅сағ аккумулятор 480 және 600 шақырым жүріс қорын қамтамасыз етеді, 15 минутта 30-дан 80 %-ға дейін қуат алады.

Гибрид те электр қуатымен 130 немесе 200 км еңсеруге көмектесетін екі батареямен жабдықталады. Оның электромоторы 218 ат күшін береді, сонымен қатар 95 ат күшіне ие 1.5 литрлік іштен жанатын қозғалтқышы бар. Жалпы жүріс қоры шамамен 1300 км құрайды.

1 / 4

• 
• 
• 
• 

1 / 4

Жаңа модельдің жабдықтар тізіміне автономдық деңгейі 2.5 ассистенттер кешені, Snapdragon 8155 чипі бар мультимедиа жүйесі және 14.62.5 дюймдік ортаңғы дисплей, 50 дюймдік проекциялық дисплей, сондай-ақ 14 Sony динамигі мен панорамалы шатыр кіреді. Барлығы жеті комплектация бар. 2025 жылы Mazda Қытайда осы платформада тағы бір электрлі моделін таныстырады, ол кроссовер болуы мүмкін.