Қытайда жаңа Haval H9-дың бағасы белгілі болды

Қытайда екінші буындағы H9-ға тапсырыс қабылдай бастаған Haval модельдің құны, комплектациясы туралы ақпарат жариялады. Бензинді нұсқасы 205 900–235 900 юань (14–16 млн теңге) тұрады. Автомобиль Ресейде тамыздың басында саудаға шыққан. Онда бағасы 4.3 млн рубльден (22 млн теңге) басталады.

Артқы бөлігінде қосалқы дөңгелегі бар жаңа Haval H9-дың өлшемі — 5070×1976×1930 мм, дөңгелек базасы — 2850 мм. Ал дөңгелек орнына шағын заттарға арналған қосымша қорап қойған нұсқасы сәл қысқа болады. Машинаның клиренсі — 224 мм, кіру және шығу бұрышы — 31 және 25 градус.

1 / 7

• 
• 
• 
• 
• 
• 
• 

1 / 7

Қытайда алдымен саудаға шығатын бензинді нұсқа 224 ат күшіне ие (380 Нм) 2 литрлік мотормен жүреді, ол 8 сатылы автомат қорап және толық жетек жүйесімен жұмыс істейді. Мұндай Haval H9-дың ең жоғары жылдамдығы — 180 км/сағ. Кейін гаммаға 9 сатылы автоматпен жұптасатын 186 ат күшін беретін 2.4 литрлік дизельді қозғалтқыш қосылады.

Өз отанында көліктің 5 және 7 орынды нұсқасы сатылады, екі қатарлы түрленімнің жүк салғыш көлемі 791–1814 литр болады. Комплектациясына байланысты 19 дюймге дейінгі дөңгелек дискісі, Snapdragon 8155 чипіне негізделген 14.6 дюймдік дисплейі бар медиажүйе, айнала шолу камерасы, бейнетіркеуіш, климат-бақылау, жылыту, желдету және массаж функциясымен жабдықталады.

Ресейде Haval H9-дың 7 орынды түрі ғана сатылып жатыр, бірақ бензинді және дизельді мотор қолжетімді. Олар 218 және 184 ат күшін береді. Ресейде автомобиль жабдық саны импорт кезіндегі шығындарға байланысты Қытайдағыдан әлдеқайда қымбат болады.