Қытайда жаңа Haval H6 жарық көрді

Haval жаңа буындағы Haval H6-ның алғашқы ресми фотосуретін жариялады. Бірақ мұны жаңа буын дегеннен гөрі терең рестайлинг деген жөн сияқты.

Сырттай жаңа H6 үлкенірек радиатор торы, тік жүріс шамы және жаңа бампері бар басқаша алдығы бөлігімен ерекшеленеді. Артқы жағында жарықдиодты шамдарды жалғайтын сызық жоқ болыпты, оның орнын бренд логотипі басқан.

Жаңа өнімнің салоны қандай болатыны белгісіз. Haval интерьердің суретін жариялаған жоқ.

1 / 8

• 
• 
• 
• 
• 
• 
• 
• 

1 / 8

Мотор гаммасында әлі 1.5 және 2 литрлік турбомотор бар. Біріншісі 177 ат күшін сақтап қалды, ал екіншісіні қуаты 211-ден 231 күшке артты. Қозғалтқыштар 7 сатылы робот және алдыңғы немесе толық жетекті жүйемен жұмыс істейді. Жаңа H6-ның гибрид нұсқасы әлі шыққан жоқ.

Н6 жақында Қытай нарығына шығады. Бағасы сауда басталғанда белгілі болады. Қытайда қазіргі H6-ны 116–130 мың юаньға (7.2–8.1 млн теңге) алуға болады. Үшінші буындағы H6 Қазақстанда да сатылып жатыр. Біздің елде 1.5 литрлік мотормен жүретін алдыңғы жетекті кроссовер 12.7 млн теңге, ал 2 литрлік моторы бар толық жетекті нұсқасы 15.9 млн теңге тұрады.