Zeekr X Қытай нарығына былтыр сәуірде шыққан. Батареялы шағын кроссоверге сұраныс аса көп емес. Бір жарым жылда небәрі 28 926 данасы өтті.
Марка машина саудасын жақсарту үшін 2025 жылғы модельдік топтың базалық бағасын төмендетті. Бұл әдеттегі жеңілдік емес, сыйымдылығы 49 кВт·сағ темір-фосфатты LFP аккумуляторы және артқы осьтегі 268 ат күшіне ие электромоторы бар жаңа түрленім арзандайды. Мұндай Zeekr X-тің жүріс қоры 420 км болады.
Carnewschina.com хабарлағандай, машина бағасы енді 149 900 юаньнан (10.3 млн теңге) басталады, бұл бұрынғыдан 25 % төмен. Сондай-ақ субсидияны ескергенде автомобильді 134 900 юаньға (9.28 млн теңге) алуға болады, дилер сыйлық ретінде ақылы сұр шанақ түсі мен үйде қуаттайтын станциясын береді.
Қытайда қазір Zeekr X-тің тағы бірнеше түрленімі сатылып жатыр, 66 кВт·сағ батареямен жүретін машинаның артқы немесе толық жетекті және салоны төрт немесе бес орынды нұсқасы бар. Олар жеңілдікті есептемегенде 165 000–199 900 юань (11.4–13.8 млн теңге) тұрады. Қазақстанда бұл машинаның бір моторлы нұсқасын 15.4 млнмтеңгеге, ал екі мотормен жүретін түрленімін 16 млн теңгеге алуға болады.
2025 жылғы модельдік топтың өкілі ретінде шығатын Zeekr X-тің сырт пішінінде үлкен өзгеріс жоқ. Тек жаңа қара шанақ түсі мен 18 дюймдік дөңгелек дискісін айтуға болады.
Комментариев: 0