Қытайда Toyota Sienna арзандады

GAC және Toyota концерні Қытайда жаңа Toyota Sienna минивэнін көрсетті. AutoHome хабарлағандай, техникалық тұрғыдағы басты өзгеріс — E-Four толық жетек жүйесі. Сондай-ақ вэн үздік мультимедиа жүйесі және екінші қатардағы сәнді кресломен ерекшеленеді. Модельдің базалық бағасы аздап төмендеді: жаңарған машина 299 800 юань (18.4 млн теңге) тұрады, бұрын ол бұдан 10 мың юань қымбат болатын.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Toyota Sienna 2.5 литрлік атмосфералы мотор (189 күш пен 236 Нм) мен электромотордан (182 күш пен 270 Нм) тұратын гибрид күштік құрылыммен жүреді, агрегат вариатормен жұмыс істейді. Сондай-ақ кей нұсқасы 54 ат күшіне ие (121 Нм) артқы осьтегі электромотормен жабдықталған. Sienna-ның өлшемі — 5165×1995×1765 мм, дөңгелек базасы — 3060 мм.

Бұрын базалық Sienna-да 8 дюймдік ортаңғы дисплей болса, қазір оның өлшемі 10.25 дюймге жетті, ал қымбат нұсқасында ол 12.3 дюймді болады. Медиажүйе жақсарды, ол Apple CarPlay және жергілікті Huawei мен Baidu жүйесі арқылы смартфон интеграциясын таниды. Минивэнге арналған дауыс көмекшісін Huawei әзірлеген.

1 / 10

• 
• 
• 
• 
• 
• 
• 
• 
• 
• 

1 / 10

Жаңарған Sienna екінші қатардағы «капитандық» кресломен ерекшеленеді. Оларда желдету, жылыту, массаж және электрлі реттеу функциясы болады. Сондай-ақ әр креслода шағын үстел, USB-порт және смартфонға арналған қалта бар.

1 / 6

• 
• 
• 
• 
• 
• 

1 / 6

Рестайлингтен өткен Toyota Sienna 299 800–410 800 юань (18.3–25 млн теңге) тұрады. Қосымша электромотор минивэннің 335 800 (20.5 млн теңге) және 359 800 юань (21.9 млн теңге) тұратын екі орташа комплектациясында ғана болады.