Қытайда Tesla Cybertruck-қа қызығушылық артты

Компания Cybertruck-тың сегіз данасын Қытай шоурумдарына демотурға жіберді. Жергілікті БАҚ-тың хабарлауынша электромобильді өз көзімен көргісі келгендер екі сағаттық кезекте тұруға мәжбүр болған.

Қытай баспасөзі Cybertruck-тың елге келгені жұртты таңғалдырды, ал халықтың таныстыру өткен жерлерге жиналуын зиярат қылуға теңеді. Tesla электромобильді сатуға жергілікті биліктен рұқсат алатынын-алмайтынын әлі білмейді.

1 / 6

• 
• 
• 
• 
• 
• 

1 / 6

Қиындықтар модель статусына және оның сипаттамасына байланысты. Көпшілік қырлы металл шанағы жаяу жүргіншілер үшін қауіпті болады деп қорқады. Қытайда пикаптарға көптеген шектеу қойылған. Мысалы, жүк көліктерін қаланың кейбір жерінде жүргізуге болмайды, жылдамдық шектеулері де қатал және Cybertruck-тың салмағы үшін оған арнайы жүргізуші категориясы қажет болуы мүмкін. Tesla Cybertruck-тың қандай да бір арнайы модификациясын жасау немесе сертификаттау статусын өзгерту арқылы шектеулерді айналып өтуге тырысуы мүмкін.

Электромобильді елге әкеліп, оны заңдастыруға тырысу ең ауқатты қытайлардың ғана қолынан келеді. Жергілікті әлеуметтік желілерде электромобиль туралы жазба көптігін ескере отырып, Cybertruck демотуры Tesla-ның жергілікті нарықтағы ең керемет жарнамасы деп аталды.