Қытайда Tank 400 саудаға шықты

Қытайда 25 қыркүйекте Tank-тың үшінші моделінің ресми сатылымы басталды. 300 және 500 индексті жол талғамайтын көлік қатары атауында 400 саны бар машинамен толықты. Алдыңғы екеуі сияқты «төртжүздік» рамалы констукцияға ие болды, бірақ әзірге гибрид Hi4-T модификациясында ғана ұсынылған.

1 / 6

• 
• 
• 
• 
• 
• 

1 / 6

Tank 400 Hi4-T-дің капот астында 2.0 турбомоторы, электрлі қозғалтқыш және 9 сатылы автомат тұр. Барлығы бірігіп 408 ат күші мен 750 Нм береді. 20 киловаттық аккумулятор арқасында Tank 400 105 шақырым жол жүреді. Машина толық жетекті. Төмен беріліс те, көмекші электроника да, әртүрлі жолға арналған қозғалыс режимдері де сақталған.

Автомобильдің ұзындығы — 4985 мм, ені — 1960 мм, биіктігі — 1905 мм, ал дөңгелек базасы Tank 500-бен бірдей — 2580 мм. Кіру, шығу бұрышы 33 және 30 градусқа тең темір тұлпардың клиренсі — 224 мм.

1 / 5

• 
• 
• 
• 
• 

1 / 5

Салонда 16.2 дюймдік ірі медиажүйе дисплейі, 12.3 дюймдік цифрлы аспаптар панелі көзге түседі. Жабдықтар тізімінде проекциялық экран, цифрлы артқы көрініс айнасы, қос сымсыз қуаттағыш, орындықты жылыту және желдету жүйесі бар.

Аспан асты елінде Tank 400 285 000–295 000 юань (18.6–19.2 млн теңге) тұрады. Келешекте жаңа модель Қазақстанға да келеді деп болжанған. Әзірге біздің елдегі топтамада Tank 300 және 500 модельдері ғана кездеседі.