Қытайда қолданыста болған Xiaomi SU7 жаңасынан қымбат

Xiaomi SU7 электрокарының қалдық құны жоғары. Екінші нарықтағы жүрген седанның бағасы жаңа көліктен қымбат болуы мүмкін. Бұл туралы CarNewsChina жергілікті блогер Ли Дачжуйге сілтеме жасап хабарлады, ол осы таласты пайдаланып, өз электромобилін сату арқылы пайда таппақшы болды.

Ли Дачжуй біраз уақыт бұрын Xiaomi SU7-нің алғашқы иелерінің бірі болып, Founders Edition шектеулі сериясындағы максимал комплектациядағы электрокарды 299 900 юаньға (шамамен 20 млн теңге) сатып алған. 3600 км жүріп өткеннен кейін, блогер седанды сатуды ұйғарды.

Ол екінші нарықты зерттеу арқылы қолданыста болған SU7 шынымен де жаңа көліктен қарағанда қымбатқа сатылатынын анықтады. Мысалы, осындай максимал комплектациядағы 600 шақырым жүрген электрокар 343 000 юаньға саудаға шыққан, ал одометрі 1900 км көрсетіп тұрған SU7 үшін 335 000 юань сұраған.

Алайда Ли Дачжуей электромобильді 280 мың юаньға сатып, пайда таба алмады. Оның көлігі жол апатына ұшырағандықтан құны төмендеді.

Екінші нарықтағы мұндай жағдай SU7-ге деген сұраныстың жоғары болуымен байланысты, сондықтан жаңа көлікті бірнеше ай күтуге тура келеді. Кейбір Xiaomi жанкүйерлері автомобильді дереу алу үшін қолданыста болған электрокарға көбірек төлеуді жөн көреді. Сонымен қатар Founders Edition-ның 5000 данасы ғана шыққан, қазір мұндай көлік жоқ. Ол максимал жиынтықтан бөлек, тоңазытқыш пен 25 динамиктен тұратын акустикалық жүйе сияқты ерекше опцияларға ие болды.