Бастапқыда компания Omoda C7 кроссоверінің премьерасы Бейжіңдегі автосалонда өтеді деп жариялаған еді, бірақ оны Ухудағы жабық тұсаукесерде көрсетті. Өлшемдері — 4621×1872×1673 мм, дөңгелек базасы — 2700 мм. Автомобильдің радиатор торының ерекше дизайны, жіңішке лазерлі фарасы және артындағы ұзыннан созылған жарықдиодты шамы бірден көзге түседі.
Көлік ішіндегі үлкен 15.6 дюймдік экраны бар медиакешенмен ерекшеленеді, презентациядағы слайдтардан ол алдындағы жолаушыға қарай жылжитынын көруге болады. Жүргізушінің алдында шағын цифрлы аспаптар панелі мен рөл бар, оны әзірлеуде дизайнерлер ойын ойнайтын джойстикті негізге алды. Интерьерде түймелер аз. Барлық басқару ортадағы сенсорлы экран арқылы жүзеге асады.
Бренд өкілдері техникалық сипаттамасы туралы көп айтпады. Модель жүргізуші көмекшілерінің жетілген жинағын және жүріс қоры 1200 шақырымға жететін гибрид күштік құрылым алады. C7 электрлі режимде 95 шақырым жол жүреді. 1.5 литрлік турбомотор роботпен жұптасады.
Omoda C7-нің Қазақстанға келетін уақыты туралы ресми деректер жоқ. Алдын ала мәлімет бойынша жаңа өнім 2024 жылдың аяғына қарай автосалондарға жетуі мүмкін. Бұл Omoda және Jaecoo-ның елімізде болатын жалғыз премьерасы емес. 2025 жылы дилерлерден Jaecoo J7 және J8 кроссоверлерінің гибрид нұсқасын көреміз.
Комментариев: 0