Қытайда жол талғамайтын Jetour T2 саудаға шықты

Jetour Traveller кроссоверінің (Қазақстанда Jetour T2 деген атпен белгілі) алғашқы сериялы нұсқасын шекті мөлшерде жеткізе бастады. Қытайлық БАҚ оны Silver Dragon Wing деп атайды, бірақ ресми суреттен Stargazer тақтайшасын байқауға болады. Машина 219 900 юань (14 млн теңге) тұрады.

Компания кроссовердің шанағы мен интерьеріне 40-тан аса өзгеріс енгізген. Jetour ресми сайтынан негізгі өзгеріс экспедицияға арналған жүксалғыш, шатырға шығатын баспалдақ және шағын заттарға арналған бокс сияқты аксессуарлар жинағында екенін байқауға болады. Stargazer өзгеше капот, басқа бампер және 20 дюймдік дискіге қапталған шинамен ерекшеленеді (базалық Traveller 19 дюймдік дискімен жабдықталған).

1 / 8

• 
• 
• 
• 
• 
• 
• 
• 

1 / 8

Техникалық жағында еш өзгеріс жоқ. Саны шекті Stargazer әдеттегі Traveller сияқты 254 ат күші мен 390 Нм беретін 2 литрлік турбомотормен жүреді, агрегат 7 сатылы робот және алты жұмыс режимі бар BorgWarner толық жетек жүйесімен жұмыс істейді.

Jetour Traveller Stargazer-ді Jetour Makers Kingdom (JMK) бөлімі жасаған, оның 3 мың данасы ғана шығады. Болашақта бөлімше өзге Jetour модельдерінің арнайы түрленімін дайындайды.

Қазақстанда Jetour T2 осыған ұқсас күштік құрылыммен жүреді, бірақ қуаты 245 ат күшіне кеміген. Кроссоверге тапсырыс қабылдау мамырда басталған, машинаның екі комплектациясы сатылады, бағасы — 16 және 17 млн теңге.