Қытайда ID. Unyx саудаға шықты

Volkswagen Қытай нарығындағы орнын жаңа электрокар топтамасымен қалпына келтіруді жоспарлап отыр. Алғашқы моделі сатыла бастады. Кросс-купенің бағасы 209 900-249 900 юань (13.7-16.3 млн теңге) аралығында болады. Автомобиль нарыққа екі түрлі күштік құрылыммен шықты және олардың жүріс қоры 620 шақырымға жетеді.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Volkswagen бұған дейін ID. Unyx-тің сырт келбетін көрсетті, саудасы басталған соң интерьердің ресми суреттерін жариялады, айтылмаған сипаттамасы белгілі болды. Электрокардың салоны басқа батареялы VW көліктеріне ұқсас 5.3 дюймдік шағын аспаптар панелімен, 15 дюймдік ортаңғы дисплеймен, рөл колонкасындағы трансмиссия селекторымен және минималистік тоннелімен жабдықталды.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

ID. Unyx жастарға бағытталғандықтан, электромобильде үш өлшемді дыбысты көмекшінің аватары бар ерекше опция орнатылған, оның келбеті мен дауысын өзгертуге болады. Дизайнерлер интерьер мен экстерьер әрлеуінде алтын түсті реңктерді кеңінен қолданған.

Кросс-купенің өлшемдері — 4663×1860×1610 мм, дөңгелек базасы — 2766 мм. Жаңа өнімнің базалық модификациясы бір қозғалтқыш алады, бірақ оның қуаты туралы мәлімет әртүрлі. Қытайдағы баспасөз 231 ат күші, VW штаб-пәтері 286 ат күші дейді. Уақыт өте келе бір моторлы ID. Unyx-тің бірнеше нұсқасы болуы мүмкін. Екі моторлы электрокардың қозғалтқыштары 340 ат күшін береді. Екі комплектацияда да кроссовер сыйымдылығы 77 кВт⋅сағ аккумулятормен жабдықталады. Артқы жетекті нұсқа 621 шақырым, толық жетекті машина 565 км жүріп өтеді.

VW ID. Unyx үш комлектацияда шығады. Жабдықталуына қарай әр шамында 13 сегментті матрицалық диодты оптикамен, 9 қауіпсіздік жастығымен, 12 позицияда электрлі реттелетін орындықтармен және жүргізуші ассистенттерінің кең жинағымен, соның ішінде автономды тұраққа қою жүйесімен жабдықталуы мүмкін.

Алдағы бірнеше жылда Unyx топтамасы бес модельге дейін өседі, бірақ олар туралы әлі ешқандай мәлімет жоқ. Volkswagen Қытайдағы SAIC және FAW серіктестерімен бірге онжылдықтың аяғына дейін Қытайда 16 жаңа электрокар, 6 қуатталатын гибрид және сұйық отын тұтынатын күштік құрылымы бар 12 жаңа өнім шығаруды жоспарлап отыр.