Қытайда Geely Monjaro жаңарып, арзандады

Geely компаниясы Қытай нарығына жаңарған Monjaro шығара бастады. Нарыққа бензинді түрленім бірінші шықты. Аса қатты өзгермеген машинаның құны біршама түскен. Біраз уақыттан кейін гибрид модификациясы пайда болады.

Бренд флагманын 2021 жылы ғана Шанхай автосалонында таныстырған. Дегенмен компания бұл модельді жаңалауды жөн көріпті. Сырт пішіні түбегейлі өзгерді деуге келмес, бірақ 19 және 20 дюймдік дискілердің бірнеше нұсқасын ұсынып, салонды жаңаша әрлеген.

Monjaro-ның басты құндылығы саналатын ірі радиатор торы мен оптика, интерьердегі 12.3 дюймдік үш бірдей экран өзгерген жоқ. Автомобиль бұрынғыдай 8 диапазонды автоматпен жұптасқан 2 литрлік турбомотормен (238 а. к. және 350 Нм) жүреді.

Бұндай Monjaro Қытайда 168 200 юань (10.8 млн теңге) тұрса, қазіргі бағасы — 157 700 юань (10.1 млн теңге). Соған қарамастан кроссоверде ионизаторы бар климат-бақылау және алдыңғы креслоны электрлі реттегіш, сымсыз қуаттағыш және сегіз динамик бар, салоны былғарымен қапталған, ал төбесінде люк көзге түседі. Жол талғамайтын машина автономдығы 2-деңгейлі ассистенттер жинағымен жабдықталады.

Қазақстандағы автосалондар кроссоверді ұқсас күштік агрегатпен сатады. Monjaro-ның базалық комплектациясында опция көп, бірақ бағасы 21.99 млн теңге. Қытайлық нұсқадан біздегі машина толық жетек жүйесімен ерекшеленеді.

Автомобильдің гибрид нұсқасына жаңа, әлдеқайда ірі радиатор торы мен қырлы алдыңғы бампер орнатты. 1.5 литрлік моторды көлемі сондай, бірақ 163 ат күшін беретін заманауи қозғалтқышқа ауыстырды. Машинаның бағасы әзірге белгісіз.